بحبك كلمه مكسوفه بتدارى ورا الحروف
تخاف لاحسن يبان شوقها .... لاحسن يبنالك قلبها الملهوف
بحبك كلمه مش راسيه دايما خايفه محتاره حوليك ف العتمه كده بتطوف
بحبك كلمه زعلانه بسكوتها ومأسوره بحبل الخوف
تخاف تعشق وتتمخطر على ضفه عاشق وتبقى مشاعرها دي باينه وحد يشوف
تخاف ان تتعود عليك ف تغيب بحجة ان قلبك عنده ظروف
بحبك كلمه صوتها قدامك مهوش عالي
لكن في ليلها كلامها عليك ويا القمر ال بيلالي
بيسألها قلبه حبيب فتتسمر
وعلى الدبدوب تدور تداري لون خدوها اللي كساهم ورد ب كسوفها اللي قالو عنو غريب
وتسكت حبه وتحكيله ع قلبي غالي وتكدب تقولو لا يقمري دة مش حبيب
بحبك كلمه حاضنه عروسه
وملبوسه بحلم زفاف
بحبك كلمه متغاظة ومفروسه
لو يجي ع واحده غيرها كلامك
بحبك كلمه مبتخلصش
وكلمة اكتر وقتها مبتتقلش
لكنها فالقلب ساكنه الضلع ال بيخبط على جدار القلب
لكن قلبي مهوش رغاي
اصلو مؤمن ان الحب حبه مشاعر ع حبه تقدير للحب
لـ فاطمه غريب
April 26, 2013 at 11:59 AM
اول زيارة واول تعليق
عجبني اوي مقطع ملبوسة بحلم زفاف
اسلوبك بسيط جدا والكلام ماشي بينساب بهدوء زي النهر
تقبلي مروري وتحياتي
سندباد