أنا اللي بنحرق لاجل يتدفوا
أنا اللي مهمـا أدي بكفوفي مابيكفوا
أنا السارق للفرح مالدنيا وأنا المسروق
أنا اللي الدنيا تديني كارت ولما أضحك يبان محروق
أنا الباكي ولما تجيلي تشكيلي
أطبطب وأهدي أقولك عدي و أنسى ورووق
أنا اللي مالغرام هـآرب
وأنا التايب عن أمر الهوى وغلبان
وأنا اللي رجولي مسحورة ومهما أجري مبتوصلنيش لأي مكان
أنا الـ أضحك وأنا الكاتب
انا الصامت انا العاتب عليك
يازمان
انا اللي في كل شوقي جنون
أناا اللي مهما أتخان مابخون
انا المسكون
والساكن ده يبقى الخوف
أنا اللي كلامه سجن حروف
أنا اللي تعبت ياسنيني
وانا اللي قطفت زهر القلب
وانا اللي وجعت نفسي بجد
وأنا اللي العتمه ساكنه مكانه
أنا الشخص اللي رافضو زمانه
أنا الصابر على عمري
وأنا النخله اللي تتحدف وأجيب تمري
أنا العايش بأمر الله
أنا الواصل لمنتهاه
أنا الشبح اللي طال ليله
أنا الدمع اللي فاض سيله
انا اللي فصدرو حر جحيم
انا الأثر اللي طال عمره ولما أتهد قالو غالي .. عايز ترميم
لـ #فاطمه_غريب
0 Comments
