أوقات ,,,, !! دليلك للأنشكاح ^_^ !!


أوقات تيجي عليك أوقات تخاف الناس

تجتنبهم


تخاف لو حد فيهم دق قلبك

تتعامل معاهم بقسوة


تحلم على قدك


تطمح بـس على أد ما الواقع يسمح


تتعامل بعقلانية زياده

تحس أنك أتخطفت من نفسك لـشخصية جديدة


شخصية عايزة تعيش مرتاحة

عايزة ماتتفاعلش مع مشاعرها


عشان [حست ] أن مشاعرها مضيعاها


لما بتنجرح بتحاول تداوي نفسك بنفسك


مع ان في ناس يتمنوا يداوك

ويمكن في ناس بيعشقوك

بس نظره الأكتفاء اللي بتبص بيها للدنيا

مخلياك فاقد الأمـل أن الحياة تفهمك

سعات بتبقى مندمج في حياة أجتماعية زحمة بس وحيد

لابس ماسك سعاده بس جواك منتاش سعيد

ملامحك واحده ليوم عادي او عيد

انت مش ميت أنت عايش بس عايش بعيد


أنت محتاج تغمض وتحصي كل اللي جار حك او تاعبك تحاول تسامح


تنسى

تتناسى

المهم أن كل حاجة زعلان منها بتحبطك وبتخليك مش طايق الحياه

تخنقها


أتخدعت في ناس !!


مين فينا متخدعش


ومالزبادي ماأتلسعش :)


أيوة متستغربش

ناس نحسبهم دوانا يكون المرض



حاسه بيك

باللي فيك

بس مش محتاج تعمم قاعدة في تعاملك مع الناس بدل متشفيك تعميك

الناس مختلفين

لو قابلت 10 اندال معفنين

صدقني في ناس جواهم نضاف محترمين


وأفتكر أن ممكن ربنا يبليك بلاويا :D

 سودا عشان يشوف هتتعامل معاها أزاي ويأجرك!



قلبك اتجرح !!


ياسيدي ياما في الحب مجاريح


أصلا الحب زي المراجيح :) شوف أي طفل كام مره بيقع من المرجيحه بس بيفضل يحبها!!

مش معقول هتكره حاجة لأن قصه فشلت :)

طب مأأحنا الوزارة بتاعت التربيه خلتنا نقرى قصص عقيمه زي عقله بتاع خمسه ابتدائي


كرهنا القصص يعني :)

واللي كرهك فالحب هيجي اللي يكرهو في الحب ويمشي بيشك في صوابع رجليه




محدش فاهمك ّ!!!!


سيبك من أن محدش فاهمك


أنت مش محتاج حد يفهمك عشان تعيش سعيد

كفايه أنك تكون فاهم نفسك

سعتها أغبى شخصية ممكن بذكاء تفهمها مين انت :) بس انت حاول

فيه ناس ميعرفوش نفسهم

والناس مفهماهم ان هيا فهماهم

دول بقى اللي المفروض يبوزو مش انت



عندك مشاكل كتير !!!

قال تعالى: اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي 

الأَمْوَالِ وَالأَوْلادِ

الدنيا مش سهله ومبتحبش اللي يتساهل معاها :) يعني مالاخر حاربها وعاند معاها 

بما يرضي الله أبذل الأسباب واستعين بالله :) وأفتكر أن احنا جينا الدنيا لهدف حاول 

تحقق هدفك عشان تعيش سعيد ولو لسه محطتش هدف حطلك هدف سامي محترم 

يخدمك ويخدم المجتمع اللي عايش فيه أو يخدمك في آخرتك $_$ هي الدنيا ايه غير 

تجارة بغرض الفوز أما بمتاع زائل او متاع باقي فالاخرة 


الناس بيتكلموا في حقك :( !!!


:) طب تخيل حتى أخوة سيدنا يوسف اتكلموا وقالوا

إن يسرق فقد سرق أخ له من قبل

وهو منزه عن السرقه عليه السلام

وسعتها خلاها في نفسه ووكل ربنا ف أمره

[[ فأسرها يوسف في نفسه ولم يبددها لهم ]]


اللي يتكلم يتكلم


مش أنت عارف نفسك !!!


مش ربنا مطلع أن كل ده كدب !!



بس ياعم أديك بتاخد حسنات منهم أو بتحط عليهم ذنوب بلاويك

أبتسم كده بقى :D

مش لاقي نصك التاني اللي يفهمك ؟؟


:) عادي ,,, انت عشان تلاقي نصك التاني لازم تكمل نصك الأولاني :)



أيوة يعني لازم تكمل نفسك بنفسك عشان لما يجي نصك التاني يحس فعلا أنك بتكمله في


كل حاجة

ويحس أنك فاهمه

ومتفتح

وواعي ^_^

وبعدين الأنصاص التانيه لينا مكتوبه من قبل مانتولد في اللوح المحفوظ عند ربنا

:D تحزن ليه بقى وتتقريف


نصك التاني هتلاقيه وهيلاقيك

مش بمزاجة


ده قدرة ولبس فيه

:D :D

قصدي قدرة ويازين من وقع فيه يعني :P

أبتسم الدنيا فانيه :)

وعمار يادماغي خراب يادنيا

الدنيا تحب اللي ينفضلها


وده مش من دماغي

الرسول عليه الصلاه والسلام  بيقول في الحديث الشريف

عنْ أَنَسِ بْنِ مَالِكٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
"مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ"
أخرجه هناد (2/355) ، والترمذي (4/642 ، رقم 2465) وصححه الألباني في "السلسلة الصحيحة" (2 / 670).



^_^ أتمنى تكون منبسط ومنشكح وخلاص خلعت الوش الخشب وفرحان ومزقطط ومتيقن أن نصيبك هيصيبك

لــ ِ
فاطمه غريب