نص حالة

luca bortolato
نص حــالة أستحالة تصحي حب 

في قلب حد حب حد سابه وفي نص الطريق

نص حالة أستحالة تنسي حد 

عاش الألم في عيون حبايبو أتخلو عنو في وقت جد 

نص حالة أستحالة تداوي حد 

اتجرح جرحو بأيدو كان لمستحيله مجرد عبد 

نص حالة أستحالة تدي الأمل بعد الألم 

اللي نصو منتهاش ع غايب وعد هيجي واتقضي العمر مجاش

نص حالة أستحالة تفرح حد 

باني بينو وبين الشمس سد 


نص حالة أستحالة تقوم حد 

واقع سنين من غير معين ناسي شكل الخطاوي ازاي تتمد 


نص حالة  أمل مليانة وجع الألم 

نص حالة فرح وراها دمع الندم

نص حالة دوا نازف فيها الجرح 

نص حالة أنتظار  من غير رجوع

نص حالة انهيار من غير وقوع

نص حالة أستحالة يحصل فيها توازن لحد !!!

عليه عفريت الكئابة


Maquillage ..
أنتي كئيبة أوي .... أول جملة بتسمعها لما بتقر بمشكلات مجتمعك وحياتك 

أنتي متشائمة جداً أول جملة بتصلصل فودنك زي السيف لما بتحكي عن مشاكلك 

هو محدش عندو مشاكل زيك !! 

أحمدي ربنا في ناس اسوأ منك 

انتي هايفة !!

كل ده بلالين أقوال بتنفجر ف وشك لأنك بقيت عارف المشكلة أو بتقر بيك

زي مثلا لما تقول أحنا عندنا مشكلة قومية تتمثل في كذا أول حاجة هتتخبط فوشك لو مش عاجبك البلد هاجر

هو ليه بقي مجرد اعترافنا بمشكلة بيمثل اننا ناس كئيبة ومقرفة وسوداويين 

طبيعي تعرف المشكلة عشان تتوصل للحل 

ليه الأعتراف بالخطأ والمشكلات والتقاليد الرثة اللي نص اولها عيب عشان تحجم من بنائك لنفسك مشكلة أكبر ؟!

وفي نظر الناس " عليا عفريت الكئابة " رغم أنك ممكن تضحك أمة لحد مايتقطع نفسهم

السؤال هنا هو احنا بقينا كارهين أي حد يقر بعيوبنا او عيوب مجتمعنا وبنحب الهلس ليه ؟؟

كم في المية منا بيفضل ان يتفرج ع برنامج واقعي علي انو يتفرج ع حاجة كوميدية .... بيتهيقلي نسبة كبيرة !

ليه بقينا نشوف اللي عندو مهارة علمية او حسابية أو رسم كتابه ع انو شخص مكلكع بنضارة وزنو يتعدي ال90 كيلو 

ويبهرنا اوي راقص الهيب هوب والساحر

كلها فنون ليه مانقدرش فن المعرفة زي مابنقدر فن الاستعراض 

من غير مايكون علينا عفريت الكئابة 

شوية تساؤلات كده هتلاقي اللي يصقفلك ويقولك صح وهو جوة نفسة كارهه اي حاجة تتعلق بالموضوعية والواقعية وحابب يشوف 

نص الكوباية المليان :) مفيش مشكلة لما نشوف نصها المليان بس بجانب اننا نشوف نصها الفاضي عشان نقدر نملاه فيما بعد

مفيش مشكلة نقر بمشكلة وغلط ع اننا نصلحة ونشوف الايجابيات بعد كدة

نوع تاني من عفاريت الكئابة بيبقي نفسي  

 لما يكون حد عليه عفريت الكئابة النفسي متروحش تحللو الجانب الأيجابي لانو مش هيكون بيفكر بمنطقية 

هتبقي مجرد مشاعر حبساه جواها وجعاة أوي محتاج حد يمتص حزنه ويرمية ف أبعد مكان 

لو مكنتش هتداوي حد عليه عفريت الكئابة متزودهاش :) كفاية وجع أن يكون حد مش فاهمك مش هيبقي كمان قرف أن حد بيحكم ع

عليك من مجرد مشاعر سرقاك جواها ووجعاك 


  بالمختصر المفيد  متسيئش لحد علية عفريت الكئابة ! عشان لو كلمك بمنطقية أنت نفسك هتتعالج نفسية بعد متكتشف صحة كلامة 


#فاطمه_غريب