غرقان!



332984966168539044_58pihnag_c_large


نفسك تشوف الحقيقة
نفسك تفوق لو دقيقة


لكن قلبك نفسو يفرح نفسو يبقى فالأحلام
نفس يدق مرة نبضه يعلن لحظات الغرام

وانت خايف لو تقرب مالحب تغرق أنفاسك البريئة
خايف لو وقعت في حب حد يشتعل الشوق في قلبك
يبقى عامل زي كارثة كل لحظة شوق حريقة

تبقى واقف جمب قلبك عايز تزقه للأمام
تجبره بالنصح حبه وتخوفه وتقول حرام
نفسك بس يسمع منك ويبطل يجري ورا أوهام

تبقى بتلف  الشوارع أيوة موجود بالجسد
بس عقلك ياعيني طاير زي أنسان اتحسد

أنت بين الناس وبينهم 

بس الحقيقة أن مكانك مش مكانهم
ولا أنت مهتم بكلامهم 
لا أنت شارد وحتى لو يسألوكـ  فلحظة أية رأيك
تقول أيه معلش عيدلي تاني الكلام


لا أنت رافض ولا موافق ولاأنت عارف المستخبي 
لكنكـ خايف مالأيام
لو يقولو أهلا تبتسم تزقطط في قلبك
ولو ماشين جواك تتكرمش أبتسامتك
 وانت مداري تقول سلام

أنت مش عارف أيه بيحصل
بس تبتسم لو بيسأل
ولو شوية بعدو عنك تحس وحدة هلت عليك 

باست كفوفك البردانين
وبين دراعتها  ضمه قلبك  بالأحضان 

أعرف أنك ياعزيزي مش بتحبهم 
ده انت ياعيني عليك  فالحب فيهم غرقان 

فاطمه غريب

Reactions: