يـازمـن !



عايز أصرخ يازمن أبوح

قلبي مكسو ر  ومليان بالجروح

أنا بس عايش حلاوه روح

الألم بيرقص فوق جثه بسمه يدوب أتولدت ماتت بتصرخ انقذوني من الالم ماتت 

بصوت منبوح

وبيغتصب أمـل عاري أتجلد بـ أيد الغدر من اللي كانوا مالقلب قريبين

آه يازمن 

بتنفس ونبض طالع حبه نازل حبه لكن مش عايشين

زي مايكون يازمن حطونا عروسه خشب لاجل مايتعلم الحزن التنشين 

والقلم أتوجع من كتر ماخبى بين الحروف

يضحك كدب ولو لمحونا حزانى وسألونا نقول السبب مهوش معروف

ونتناسى ونكسر عتابنا ونلزقها ف حكم الظروف 

واللي جرحونا بالأسـامي معروفين 

لا بنشكـي يـازمن واهو مخروسين مستنين

يمكن في يوم يتلسعوا كده مليون قلم مالحنين 

يمكن في لحظه   يفهموا مين اللي بيطبطب  يداوي جرحهم يجي من سنين 

ولا حد حاسس بينا يازمن ولا احنا يازمن فيك منصوفين

رايحين في سكه غربه أو راجعين

لا عملين لنا مقام ولا حاسين

والقلب مرمي على سرير الوجع  مالي الصدر أنين

غريبه قلوبهم يازمن تجرح وتجري علينا تطلب دواها 

يوم ماتفرح تبتسم فوشك تزيد قهر ويوم ماتبكي في كل ركن رافعه رايه المخلصين

مين يازمن الأمين ؟؟

مين الأمين لو الشوكه اللي بتجرح في أيد قريب 

تتخبط .. تقع وتقوم لا أنت عارف أنت تايه أو غريب

نام يازمن 

نام يازمن واغفى وأنسى اللي هميت بيه ليلكـ وحكتهولكـ

وـأنسـا البكـا اللي ف حجركـ بكتهولكـ

لـ فاطمه غريب