أنا اللي ... !




Pinned Image


أنا الضل اللي ساكن حيط قديم 

أنا الجائل وانا السايح في الليل العتيم

أنا الشبح اللي طال ليله

أنا الدمع اللي فاض سيله 

انا اللي فصدرو حر جحيم


انا الأثر اللي طال عمره ولما أتهد قالو  غالي .. ينول ترميم

أنا الصابر على  عمري 

وأنا النخله اللي تتحدف وأجيب تمري

أنا العايش بأمر الله 

أنا الواصل للمنتهى 

أنا اللي تعبت ياسنيني

وانا اللي قطفت زهر القلب 

وانا اللي وجعت نفسي بجد

وأنا اللي العتمه ساكنه مكانه 

أنا الشخص  اللي رافضو  زمانه

اللي في كل شوقي جنون

أناا اللي مهما أتخان مابخون

انا المسكون والساكن  ده يبقى الخوف

أنا اللي  كلامه ساجن الحروف 

أنا اللي مالغرام هـآرب

وأنا التايب عن أمر الهوى وغلبان 

وأنا اللي رجولي مسحورة ومهما أجري 

مبتوصلنيش لأي مكان 

أنا الـ أضحك وأنا الكاتب

انا الصامت انا العاتب  عليك يازمان 

أنا اللي بنحرق لاجل يتدفوا

أنا اللي مهمـا أدي كفوفي مابيكفوا

أنا السارق للفرح مالدنيا وأنا المسروق

أنا اللي الدنيا تديني كارت ولما أضحك يبان محروق

أنا الباكي ولما تجيلي تشكيلي 

أطبطب وأهدي أقولك عدي و أنسى وروق




لـ  فاطمه غريب

Reactions: