سهران :)


سهران ي قمري منور
عاشق ومتحير 
والحب طقسه غريب
سعات حبيبك عليك يدور 
وسعات قلبك محتاج لطبيب 
سعات ناسيك ومش سائل
سعات جمبك ويستاهل 
تضحي عشانه بضي عنيك 
سعات تتقل وبتعاند
فيجي يشكي شوقه إليك 
سعات تزعل ويدادي 
سعات جمبك ومش فاضي 
ولو تزعل يقلب صفحة الماضي ويحاول  بحبه يثبتلك ومتصدقش
يطيب خاطرك الزعلان ويحلفلك 
انا لو جمبي كيت انسان 
لغير عيونك انا ما أشتاقش

ل | فاطمه غريب

خيالي



خيالي عمرو ماكان قاصر ولا نايم بيعتب بس ع الواقع

ولا كان مستني تصقيفه وكلمتين حلوين

 برافو اوي و رائع 

ولما بلزمو بحياتي عمرو ابدا ماكان طايع 

يمكن جرئ او وشجاع يمكن رومانسي لكنه عمره ماكان ضايع

ولما وجعنا يسرقه ب احزان ميستلمش ولا يطاطي الراس 

ولا عمره وافق يكون خاضع

ماعمرهوش كان جبان

كان طول عمرو متمرد سعات نرفوز ومتردد

وابدا ماكان ماشي على طوعي

ودايما كان راسم قوارب ف بحيره صافيه يوم مابتمطر بدموعي

خيالي عمرو مااشتكى ولا قالي اه 

دايما فوقت الوجع عندو مليون طريقه بيها يرجع يعيش الحياه


خاطف ابتسامه طفوله على كتفه 

وهارب مالزمن ب ترفه 

وعايش لكنه مش وحداني

انا سعات اهرب وانساني وافوق على لوحه رسماني 

حاضنه بسمه مااعرفهاش لكن ببراءه طفله عرفاني

وسعات انساه ماينساني 

دايما خاطفني لما حاجة بتوجعني وتبقى لسه وجعاني

ف بيطيب خاطري بحلم جميل

ويرسمني بفرشه أمله عروسه نيل

وانام على هدهدته 

ويوم ماابص ف مرايته

ألاقيني جمبه فرحانه 

ف اغمض عيني واتخيل اني من وجعي هربانة


لـ فاطمه غريب