ليه الألم ؟!




نفسي أنتحر ! :'( بس بكل اسف ماينفعشي 


كل حاجه بايظه 


كل حاجه ناقصه


كل حاجه في حياتي ارتبط بيها الالم !


الحب ارتبط بالالم !


زمان كنت لما اتضرب ... كانو يقلولي ماما بتضربك بس بتحبك !


الخوف ارتبط بالالم !


لما كنت استخبه تحت السفره ويدورو عليا وفجأه اظهر واتضرب بردو 


كانو يقلولي ماما بتضربك عشان خايفه عليكي !


الصداقه ارتبطت بالالم


زمان كانت صحبتي لما نتخانق ونضرب بعض بس لما نهدى كانت تقولي ان عشان احنا صحاب لازم نستحمل ضرب بعض ! يعني معناها نستحمل الألم !


كان حتى الشوق مرتبط بالالم !


زمان لما امسك فبابا عشان ميسافرش ويسبنا ويشدوني واتألم ومرضاش اسيبه !


عرفت ان الشوق مرتبط بالالم 


الأحلام مرتبطه بالألم!


لما اعد ارسم احلام ورديه واحاول اوصل واحقق هدفي !


عرفت ان اللي عنده حلم وهدف بيتألم عشان يوصله 

السعاده مرتبطه بالألم !


زمان لما كنت اتفرج ع فيلم وواحده تفضل تصرخ عشان هتجيب بايبي وبعدين يدوها ابنها فايديها وتحضنو وتبتسم !


كان دليل على ان حتى السعاده لازم يكون فيها ألم !


نفسـي بس أسأل ! وحد يجاوبني من غير معلش والدنيا كده !


ليه !!! ايوه بجد فعلا  ليه الألم !


حد يديني اجابه مقنعه !


ليه كل شئ فالحياه بقت  مرتبط بالألم




فـاطم ـه غريب 12-11-2011 

0 Response to "ليه الألم ؟!"

Post a Comment