وليه ياقمر شكلكـ جميل في الليل
<3
رقيق أوي ضي انعكاسك على مايه النيل
<3 هو أنت ياقمري اللي متغير
ولا القلب اللي عاشق حبيب ومتحير
حاسس جمال الحب فيكـ !
شايف الورد الراقص على ضفافك لما أوشوشه بيميل
هو أنت ياقمري اللي متغير !
ولا عود الفرحه اللي أحلو وأدور !
شايف ياقمري سلال الضي الطويله !
وهي بتلمس الارض بطراطيف صوابعها وبتتمختر
على نغمه عذبه وجميله ؟
هو أنت ياقمري اللي متغير !
ولا أنا العاشق والعشق بيحير !
سامع ياقمري ضحكه حلوة ملعله
ليها نغمه طفله حلوة مطرقعة
هو النسيم بالبسمه بيطير
شعري المسدول فيروح على كتفه
ولا الحروف المستحية اتبعترت لـ أسمه
هو أنت ياقمري اللي متغير ؟!
ولا أنا العاشق وبعد العشق أنا طفل تايه وصغير !
<3
لـ فاطمه غريب
0 Response to "هو أنت ياقمر اللي متغير !"
Post a Comment