في حاجه كده زي الهبه ( زي صندوق الزراير اللماعه) اللي بنخبيها وأحنا أطفال
.
.
حاجه أسمها الجنون المدخـر :)
أه
يعني جنون متحوش ♥ !
الجنون المدخر زي الزراير اللماعه محدش بيشوفو إلا القريبين اوي منا
وفي وقت خاص ومكان خاص
لو عايزه متخسريهوش :) أوهبيه جنونك بمقدار ♥ !
خليه يعرف أن جنونك في لحظه معناه أن اللحظه دي وصلتي فيها لمنتهى الحب ♥ ♥ :)
أوعي تبقي لاسعه علطول :) كده هيفتكر ان الكهربا مسكت فنافوخك شيطته وانتي صغيره
وأوعي تبقي قافشه علطول :) سعتها اي نحس يحل عليه هيجيلو شوشو يوزو أنك السبب
لكن طلعيلو جنونك وقت حب مميز وفهميه ان هو مميز عشان كده مفيش حاجه من دي بتطلع غير ليه
♥ هـــو و بـــس !!
لـ فاطمه غريب
حكـ عشرينيه ـايات
بيجي عليكي وقت كده تحسي انك فاقده الأمان مع أشخاص معينه
وتحسي أن علاقتك بيهم بدأت تتفكك
والقريب صبح بعيد والبعيد صبح قريب
تحسي كده بلسعه فالمشاعر ووجع فالقلب أن محدش فاهمك
صدقيني المرحله دي انتي نفسك مش هتبقي فاهمه نفسك
أنتي بتتعرضي كل يوم لصقل لأفكارك واتجهاتك
أو بمعنى أبسط تغير طفيف كل يوم
يمكن مش حاسه بيه بس اللي يعرفوكي اووووي هيحسو بده
هيحسو أنك اتغيرتي
متزعليش على صدقات بدأت تتفكك ده التطور الطبيعي
البنت في حياتها بتحتاج في كل مرحله من مراحل حياتها بتحتاج نسبه معينه من الاهتمام
من الحب
من الاحتواء
وحيث أنك مش هتلاقي ناس من صحباتك زمان يدوكي ده هتبدئي تعملي صداقات تلبي الاحتيجات دي
دي حاجه مش وحشه ومتدايقيش خالص :)
لأن ربنا بيقطع من هنا ويوصل من هنا
بس متقطعيش مع الناس اللي سمعولك زمان خليكي معاهم بس بنفس القدر اللي بيلبو فيه
احتياجاتك النفسيه
يعني لو حد بيراعيكي 50% وانتي على علاقه متبادله خلي علاقتك في حدود ال50% دول
نصيحه مني :)
لو عدتيها هتتوجعي وهتحسي بعدم الاهتمام او مش هتحسي بالتكافؤ
