عصفور البوح محبوس داخل ثنايا الروح
دايما ينوح يا أميره صمتي حرريني
نايم على الضلع القريب من قلب أنجرح
نايم وفي عيونه حلم الفرح
و في برد الذكـرى يرتعش ريشه الضعيف
ودمعه صامت ببساطه عايش وحيد ملهوش أليف
بتدق ساعه الليالي يقوم على نبض الحنين
يقوم يغني ألحان ليها نبره أنين
واقف على الركن اللي نوره أنطفـى بيحاول يشفيه بدموع غناه
باحث عن الضي اللي بعد الرحيل راح تاه
عايـش على حلم السـعاده ، وحلم السـعاده كل يوم يجيه يبشره أن الفرج
أصبح قريب
أن الفرح ماهوش عن قلب عصفوري غريب
كل ليله يحاول طيري ييأس تيجي أميره الصبر الجميله تحن عليه
تعرفو أن اللي عايش فيه
أن اللي مجروح بيه
يوم هيكون وسيله أن الناس ياخدو منه أملهم .. يوم هتحكي الناس
وتتحاكى بيه
تعرفو أن اللي
عاشوا بالرضـا كانو مرفوعين
عمر الصبر ماسكن ضعيف او مستكين
تعرفو ان اللي خالق القدر رغم اللي واجع القلوب ربٍ رحيم
وتنيمه على كف الأمـل وتهدهده وترددعلى سمعه الحزين
آيه كريمه تقول
" وبشر الصابرين"
لـ فاطمه غريب
June 21, 2012 at 12:02 PM
كلنا هذا العصفور
جميله
^_^
June 21, 2012 at 3:24 PM
جميله جدا يافاطمه تسلم ايدك استمري